دجاج باصابع الباطاطس

Publié le par cuisine-farah.over-blog.com

كنحتاجو نشرملو الدجاجة بعدما نكونو غسلناها مزيان طبعا

و الشرمولة فيها

قسبر معدنوس ملح بزار حامض مصير مطحون زعفران شوية الزيت اسكينجبير والثوم
من بعد كنديروها تتفور ملي طيب نجبدوها نصايبو ليها باش ندهنوها وندخلوها للفرن تتحمر
بالنسبة باش دهنتها فهو عبارة عن خليط من زبدة وضامة البنة ديال الدجاج ومعيلقة الموطارد

اما بالنسبة لاصابع البطاطس
نحتاجو بطاطة مصلوقة وحكوكة ونحكو عليها الكاشير ونضيفو الفرماج اما كيري او لافاش كيري حسب الرغبة و الملح والكامون
نديرو منهم اصابع وندوزوهم في الطحين ثم البيض ثم شابلور ويتقلاو في الزيت


اما المرقة لي غادي ترافق الطبق فهي كنصايبوها من اطراف الدجاج كبدة والقليبات و العنوقة و الجناح

ونحتاجو للمرقة ملح بزار اسكنجبير زعفران والبصل مشلض القرفة والزيت ونخليو حتى تعقادلينا المرقة وتدغمر



نخليكم مع الصور

 

 

 

 

 

 

 

Commenter cet article